Our Lady of Medjugorje Messages containing 'pagbabalik'
Total found:
6
Pahayag, May 25, 2000
“
M
ahal kong mga anak! Ako ay nagagalak sa inyo at ngayon ay panahon ng biyaya at tinatawagan ko kayo sa pagbabago ng inyong kaluluwa. Magdasal, mga anak kong munti, upang ang mahal na Espiritu ay pumunta at buong manirahan sa inyo, upang inyong masaksihan na may kagalakan sa mga malayo sa pananampalataya ang kanilang
pagbabalik
loob. Lalong-lalo na, mga anak kong munti, manalangin sa aginaldo ng mahal na Espiritu upang ang diwa ng pag-ibig, sa araw-araw at sa lahat ng kalagayan, kayo ay maging malapit sa inyong kapwa, at sa pag-iisip at pagmamahal ay maging matagumpay ang lahat ng kahirapan. Ako ay sumasainyo at namamagitan sa bawa't isa sa inyo sa harapan ni Jesus. Maraming salamat sa inyong pagtugon sa aking pagtawag.
”
Pahayag, January 25, 2002
“
M
ga mahal kong anak, samantalang kayo ay nagbabalik-tanaw pa sa nakaraang taon, tingnan ninyo ang kaibuturan ng inyong puso at magpasiya kayo na maging malapit kayo sa Diyos at sa pananalangin. Mga anak, lubha kayong malapit sa mga bagay na makalupa at malayo sa buhay na maka-Diyos. Sana ang pagtawag ko sa inyo ay makahikayat para kayo ay magpasiya ng para sa Diyos at sa pang-araw-araw na
pagbabalik
-loob. Hindi kayo makakapagbalik-loob kung hindi ninyo iiwanan ang mga kasalanan at magpapasiya kayo ng pagmamahal na ukol sa Diyos at sa inyong kapwa. Salamat sa pagtugon ninyo sa aking panawagan.
”
Pahayag, October 25, 2010
“
M
ahal kong mga anak! Nawa'y ang panahong ito'y maging oras ng panalangin sa inyo. Hinahangad ng aking panawagan, mga anak ko, na kayo ay magpasyang sundan ang landasin ng
pagbabalik
-loob. Samakatuwid, manalangin at hingin ang pamamagitan ng lahat ng mga banal. Nawa'y ang mga santo ay maging halimbawa, dahilan at kaligayahan tungo sa walang hanggang buhay. Salamat sa inyong pagtugon sa aking panawagan.
”
Pahayag, December 2, 2010 - Pahayag ng Mahal na Birhen kay Mirjana
“
M
ahal kong mga anak; ngayong akoy'y dumadalangin kaisa ninyo upang likumin ang kalakasan na buksan ang inyong mga puso upang inyong mabatid and sukdulang tindi ng pagmamahal ng naghihirap ng Panginoon. Sa pamamagitan nito, at ng kanyang Pagmamahal, Kagandahang-loob at Kapakumbabaan, ako ay kasa-kasama ninyo. Inaanyayahan ko kayo sa isang di-pangkaraniwang panahon ng paghahanda na maging oras ng panalangin, pagpapakasakit at
pagbabalik
-loob. Aking mga anak, kailangan ninyo ang Panginoon. Hindi kayo maaring umungos liban sa aking Anak. Kapagka naunawaan at natanggap ninyo ito,anumang ipinangako sa inyo ay matutupad. Sa pamamitan ng Espiritong Banal, ang kaharian ng Kalangitan ay mapapasainyong puso. Inaakay ko kayo sa landas na ito. Salamat.
”
Pahayag, February 25, 2011
“
M
ga anak! Ang kalikasan ay gumigising at sa mga puno masisilayan ang mga usbong na siyang maghahatid ng pinakamagagandang bulaklak. Ninanais ko rin, mga munting anak, pagsumikapan ninyo ang pagbabago at kayo sana ang siyang maging saksi upang sa pamamagitan ng inyong halimbawa ito ay magsilbing palatandaan at pampa-ganyak sa
pagbabalik
loob ng iba. Ako ay kasa-kasama ninyo at sa harap ng aking anak na si Hesus ako ay namamagitan para sa inyong pagbabago. Salamat sa pagtalima ninyo sa aking panawagan.
”
Latest Pahayag, May 25, 2011
“
M
ga anak! Ngayon, dasal ko na inyong hanapin ang biyaya ng
pagbabalik
-loob. Kayo ay kumakatok sa pintuan ng aking puso nguni't walang pag-asa at panalangin, lubog sa kasalanan at walang pangungumpisal sa Panginoon. Talikdan ninyo ang kasalanan at pagpasyahan ang landas ng kabanalan, mga munting mga anak. Sa ganitong paraan ko lamang kayo matutulungan. Sa ganitong paraan ko lamang maririnig ang inyong mga panalangin at maipamamagitan kayo sa Kaitastaasan! Salamat sa inyong pagtugon sa aking panawagan.
”
To compare Medjugorje messages with another language versions choose