Our Lady of Medjugorje Messages - complete list
Languages:
English
,
Afrikaans
,
العربية
,
Български
,
Беларуская
,
Català
,
Čeština
,
Deutsch
,
Español
,
Français
,
Hrvatski
,
Italiano
,
Kiswahili
,
Latviešu
,
Magyar
,
Malti
,
Nederlands
,
Norsk
,
Polski
,
Português
,
Română
,
Русский
,
Shqip
,
Slovenčina
,
Slovenščina
,
Suomi
,
Svenska
,
Tagalog
,
Tiếng Việt
,
Українська
,
زبان_فارسی
Pahayag, December 25, 2004
“
M
ahal kong mga Anak! Gayon din sa ngayon, ikinagagalak kong dalhin ko sa inyo ang aking Anak na si Hesus sa aking mga bisig. Binabasbasan niya kayo at tinatawagan sa kapayapaan. Magdasal munti kong mga anak at maging matatag na mga saksi ng mabuting balita sa lahat ng pagkakataon. Sa ganitong paraan lamang na kayo ipagpapala ng Diyos at sa inyong pananampatalaya ay ibibigay ang lahat ng inyong mga hinihiling. Ako ay laging sasainyo sa kapahintulutan ng Maykapal. Pinamamagitanan ko ng may malaking pagmamahal ang bawa't isa sa inyo. Salamat sa pagtugon ninyo sa aking panawagan.
”
Pahayag, January 25, 2005
“
M
ahal kong mga Anak! Sa panahon ngayon ng biyaya, tinatawagan ko kayong muli na manalangin sa pagkakaisa ng mga Kristiyano upang sila ay mag-isang puso. Ang pagkakaisa ay sadyang sasainyo habang kayo ay nagdarasal at nagpapatawad. Huwag ninyong kalilimutan: ang pag-ibig ay nasasakop lamang kung kayo ay magdarasal at ang inyong puso ay bubuksan. Salamat sa pagtugon ninyo sa aking panawagan.
”
Pahayag, February 25, 2005
“
M
ahal kong mga Anak! Tinatawagan ko kayo ngayon na maging aking mga galamay para sa mundong ito na inilalagay ang Diyos sa hulihan. Kayo, munti kong mga anak, ipagpauna sa lahat ang Diyos sa inyong buhay. Ipagpapala kayo ng Diyos at bibigyang lakas sa pagpapatutoo sa Kanya, ang Diyos ng pag-ibig at kapayapaan. Ako ay namamagitan at laging sumasainyo. Munti kong mga anak, huwag ninyong kalilimutan na ang pag-ibig ko sa inyo ay isang mayuming pagmamahal. Salamat sa pagtugon ninyo sa aking panawagan.
”
Pahayag, March 25, 2005
“
M
ahal kong mga Anak! Ngayon ay tinatawagan ko kayo sa ngalan ng pag-ibig. Munti kong mga anak, sa pag-ibig ng Diyos kayo ay magmahalan. Sa bawa't sandali ng kasiyahan at kalungkutan, mamayani nawa ang pag-ibig at sa ganitong paraan, magsisimulang maghari ang pag-ibig sa inyong mga puso. Mapapasainyo ang nabuhay muling si Hesus at kayo ang Kanyang mga magiging saksi. Makikisaya ako sa inyo at ipagtatanggol kayo ng aking mantel bilang isang Ina. Lalong-lalo na, munti kong mga anak, palagi kong susubaybayan ang araw-araw ninyong mga pagbabagong-loob sa pag-ibig. Salamat sa pagtugon ninyo sa aking panawagan.
”
Pahayag, April 25, 2005
“
M
ahal kong mga Anak! Gayon din sa araw na ito ay tinatawagan ko kayo na muling buhayin ang pagdarasal sa inyong mga pamilya. Sa pagdarasal at pagbabasa ng Banal na Aklat, nayong ang Espiritu Santo na nagpapabago ay sumainyong mga pamilya. Sa ganitong paraan, kayo ang mga magiging tagapagturo ng pananampalataya sa inyong mga pamilya. Sa inyong pagdarasal at pagmamahalan, ang daigdig ay tatahak sa mas mabuting paraan at ang pag-ibig ay magsisimulang maghari sa mundo. Salamat sa pagtugon ninyo sa aking panawagan.
”
Pahayag, May 25, 2005
“
M
ahal kong mga Anak! Muli ay tinatawagan ko kayo na isabuhay ng may pagpapakumbaba ang aking mga mensahe. Maging saksi ngayon lalo na sa nalalapit na anibersaryo ng aking mga pagpapakita. Munti kong mga anak, maging tanda doon sa mga malalayo sa Diyos at sa Kanyang pagmamahal. Ako ay laging nasa inyo at binabasbasan kayo ng Maka-Inang pagpapala. Salamat sa pagtugon ninyo sa aking panawagan.
”
Pahayag, June 25, 2005
“
M
ahal kong mga Anak! Ngayon ay pinasasalamatan ko kayo sa bawa't sakripisyong inialay ninyo para sa aking mga hangarin. Tinatawagan ko kayo, munti kong mga anak, upang maging aking mga alagad ng kapayapaan at pagmamahalan sa inyong mga pamilya at sa sandaigdigan. Manalangin na nawa'y paglinawagin kayo ng Espiritu Santo at ituro sa inyo ang daan ng kabanalan. Ako ay laging sumasainyo at binabasbasan ko kayo ng aking maka-inang pagpapala. Salamat sa pagtugon ninyo sa aking panawagan.
”
Pahayag, July 25, 2005
“
M
ahal kong mga Anak! Ngayon din ay tinatawagan ko kayo upang punan ang inyong mga araw ng mga maiiksi at masisigasig na panalangin. Kapag kayo ay nananalangin, buksan ng inyong mga puso at mamahalin kayo ng Diyos ng pagmamahal na natatangi at bibigyan Niya kayo nga mga biyayang bukod-tangi. Samakatuwid, gamitin sa tama ang panahong ito ng pagpapala at ihandog ito sa Diyos ng higit sa lahat ngayon. Kayo ay magnobena, mag-aayuno, at itakwil ang masasama upang lumayo si Satanas sa inyo at sa lahat ng mga kabutihang nakapaligid sa inyo. Naririto lamang ako sa tabi ninyo at namamagitan para sa inyong lahat sa harap ng Diyos. Salamat sa pagtugon ninyo sa aking panawagan.
”
Pahayag, August 25, 2005
“
M
ahal kong mga Anak! Ngayon din ay tinatawagan ko kayo upang buhayin ang aking mga pahayag. Pinagkalooban kayo ngayon ng Diyos nang panahon ng biyaya. Samakatuwid, munti kong mga anak, gamitin sa tama ang bawa't sandali at manalangin, manalangin, manalangin. Kayo ay aking binabasbasan at ako ay namamagitan sa harap ng Kaitaas-taasan para sa bawa't isa sa inyo. Salamat sa pagtugon ninyo sa aking panawagan.
”
Pahayag, September 25, 2005
“
M
ahal kong mga Anak! Tinatawagan ko kayo sa ngalan ng pagmamahalan, magbagong-loob kayo, kahit malayo ako sa inyong mga puso. Huwag ninyong kalimutan na ako ang inyong Ina at nararamdaman ko ang kirot sa bawa't isa sa inyo na malayo sa aking puso; nguni't hindi ko kayo iiwanang nag-iisa. Naniniwala akong lilisanin ninyo ang landas ng kasalanan at pipiliin ang kabanalan. Salamat sa pagtugon ninyo sa aking panawagan.
”
Pahayag, October 25, 2005
“
M
unti kong mga anak, manalig, manalangin at magmahalan, at ang Diyos ay malalapit sa inyo. Pagkakalooban Niya kayo ng mga biyayang inyong hinahanap mula sa Kanya. Ako ay kaloob Niya sa inyo sapagka't araw-araw, pinahihintulutan ako ng Diyos na sumainyo at na mahalin ko ang bawa't isa sa inyo ng walang hangganang pagmamahal. Samakatuwid, munti kong mga anak, sa panalangin at pagpapakumbaba ng loob, buksan ang inyong mga puso at maging saksi kayo ng aking pagdadalo. Salamat sa pagtugon ninyo sa aking panawagan.
”
Pahayag, November 25, 2005
“
M
ahal kong mga Anak! Ngayon din ay tinatawagan ko kayo upang manalangin, manalangin, manalangin hanggang ang panalangin ay siya ninyong maging buhay. Munti kong mga anak, sa ngayon, sa natatanging pamamaraan, nananalangin ako sa harap ng Panginoon na pagkalooban kayo ng biyaya ng paniniwala. Tanging sa paniniwala lamang ninyo matutukasan ang kasiyahan ng biyaya ng buhay na ibinigay sa inyo ng Panginoon. Magdiriwang ang inyong mga puso sa pag-iisip ng buhay na walang hangganan. Ako ay sumasainyo at minamahal ko kayo ng magiliw na pagmamahal. Salamat sa pagtugon ninyo sa aking panawagan.
”
Pahayag, December 25, 2005
“
M
ahal kong mga Anak! Ngayon din, pangko sa aking mga bisig, inihahandog ko sa inyo ang Hesus na sanggol, Hari ng Kapayapaan. Munti kong mga anak, sa natatanging pamamaraan, tinatawagan ko kayo upang maging aking mga tagahatid ng kapayapaan sa mundong walang katahimikan. Ipagpapala kayo ng Diyos. Munti kong mga anak, huwag ninyong kalilimutan na ako ang inyong ina. Binabasbasan ko kayo ng katangi-tanging biyaya, kasama ang Hesus na sanggol sa aking mga bisig. Salamat sa pagtugon ninyo sa aking panawagan.
”
Pahayag, January 25, 2006
“
M
ahal kong mga Anak! Ngayon din ay tinatawagan ko kayo upang maging tagapagdala ng Ebanghelyo sa inyong mga pamilya. Huwag ninyong kalilimutan, munti kong mga anak, na basahin ang Sagradong Salita. Ilagay sa lugar na makikita at saksihan ng inyong mga buhay na kayo'y mga naniniwala at namumuhay sa Salita ng Diyos. Malapit ako sa inyo sa aking pagmamahal at namamagitan ako sa harap ng aking Anak para sa bawa't isa sa inyo. Salamat sa pagtugon ninyo sa aking panawagan.
”
Pahayag, February 25, 2006
“
M
ahal kong mga Anak! Sa panahon ng mabiyayang Kuwaresma, nananawagan ako sa inyong buksan ang inyong mga puso sa mga kaloob na nais ibigay sa inyo ng Diyos. Huwag ninyong ipinid ang inyong mga sarili, kundi sa pamamagitan ng mga panalangin at pagtakwil sa masasamang gawi, umayon kayo sa Diyos at bibigyan Niya kayo ng kasaganahan. Tulad ng tagsibol, nakabukas ang daigdig sa mga binhi na nagbibigay daan sa walang hangganang bunga, gayun din ang inyong Ama sa langit ay bibigyan kayo ng labis-labis. Ako ay sumasainyo at minamahal ko kayo, munti kong mga anak, ng magiliw na pagmamahal. Salamat sa pagtugon ninyo sa aking panawagan.
”
Pahayag, March 25, 2006
“
K
atapangan, munti kong mga anak! Pinili kong akayin kayo sa landas ng kabanalan. Iwaksi ang mga kasalanan at magtungo sa landas ng kaligtasan, ang landas na pinili ng aking Anak. Sa pamamagitan ng inyong mga pagsusubok at paghihirap, ang Maykapal ang siyang tutuklas para sa inyo ng daan tungo sa kasiyahan. Samakatuwid, munti kong mga anak, kayo ay manalangin. Kami ay nalalapit sa inyo sa pamamagitan ng aming pagmamahal. Salamat sa pagtugon ninyo sa aking panawagan.
”
Pahayag, April 25, 2006
“
M
ahal kong mga Anak! Ngayon din ay tinatawagan ko kayo na magtiwala sa akin at sa aking Anak. Pinagtagumpayan Niya ang Kanyang kamatayan at muling pagkabuhay at sa pamamagitan ko ay tinatawagan Niya kayo upang maging bahagi ng Kanyang kasiyahan. Hindi ninyo nakikita ang Diyos, munti kong mga anak, nguni't kung kayo'y mangagdarasal ay mararamdaman ninyo na Siya'y nalalapit lamang. Ako ay sumasainyo at namamagitan sa harap ng Diyos para sa inyong lahat. Salamat sa pagtugon ninyo sa aking panawagan.
”
Pahayag, May 25, 2006
“
M
ahal kong mga Anak! Ngayon din ay nananawagan ako na isagawa at mamuhay kayo ayon sa mga ibinigay kong mga tagubilin sa inyo. Pagpasyahan ang kabanalan, munti kong mga anak, at isipin ang kalangitan. Sa ganitong pamamaraan lamang kayo magkakaroon ng kapayapaan sa inyong mga puso na sinoman ay walang makalilipol. Ang kapayapaan ay isang handog na ikinakaloob sa inyo sa pamamagitan ng panalangin. Munti kong mga anak, hanapin at gamitan ng buo ninyong lakas na manaig ang kapayapaan sa inyong mga puso at sa buong sandaigdigan. Salamat sa pagtugon ninyo sa aking panawagan.
”
Pahayag, June 25, 2006 - Årsdagen för uppenbarelserna
“
M
ahal kong mga Anak! Ng may malaking kagalakan, ako ay nagpapasalamat sa lahat ng mga panalangin, na sa mga panahong ito, ay iniaalay ninyo para sa aking intensiyon. Alamin ninyo, munti kong mga anak, na ito ay hindi ninyo pagsisisihan, kayo at kahit pa man ng mga anak ninyo. Kayo ay gagantimpalaan ng Diyos ng mahihigit na biyaya at makakamtan ninyo ang buhay na walang hanggan. Ako ay nalalapit lamang sa inyo, at salamat sa lahat ng tumanggap ng aking mga pasabi sa buong panahong ito, sa mga nagbuhos ng aking mga mensahe sa kanilang mga buhay at nagpasiya ng kabanalan at kapayapaan. Salamat sa pagtugon ninyo sa aking panawagan.
”
Pahayag, June 25, 2006 - Säännöllinen vuosittainen ilmestyminen näkijä Ivankalle
Ang mapangitaing si Ivanka Ivankovic-Elez ay nagkaroon ng regular niyang pangitain noong ika-25 ng Hunyo, 2006. Ayon sa mga mapangitain, sina Vicka, Marija at Ivan ay patuloy pa ring nagkakaroon ng pangitain araw-araw, at sina Mirjana, Ivanka and Jakov ay nagkakaroon ng pangitain minsan kada isang taon.
Sa huli niyang pangitain noong ika-7 ng Mayo 1985, ipinagkatiwala ng Ating Ina kay Ivanka ang ikasampung lihim at sinabi Niya dito na siya ay magkakaroon ng pangitain minsan isang taon sa anibersaryo ng mga pangitain. Gayun ang nangyari nitong taon na ito. Tumagal ang pangitain ng pitong minuto. Nagkaroon ng pangitain si Ivanka sa kanyang tahanan sa harap ng kanyang pamilya, ng kanyang asawa at tatlong anak. Ibinigay ng Ating Ina ang mga sumusunod na mensahe:
“
M
ahal kong mga anak, Salamat sa pagtugon ninyo sa aking panawagan. Manalangin, manalangin, manalangin.
”
Masaya ang Ating Ina at nagsalita ng patungkol sa ikapitong lihim.
To compare Medjugorje messages with another language versions choose
<<Previous
1
2
3
4
5
6
7
8
9
10
Next>>